Nola utzi bazkide izateari?

Artikulu honetan puntu hauek azalduko ditugu:

• Nola utzi bazkide izateari?
• Kapital sozialera borondatezko ekarpenak egin badituzu
• Generation kWh proiektuan sartuta bazaude
• Hil den bazkide baten baja eskatzea

Nola utzi bazkide izateari?

Bazkide gisa bajaeskatzen duen pertsonak edo erakundeak formulario hau bete behar du: Baja eskatzeko formularioa. Aldiz, kontratu baten baja, hau da, hornidura etetea, eskatu nahi baduzu, kontsultatu Laguntza Guneko beste artikulu hau.

Kooperatibaren estatutuek xedatzen dute, baldintzak betetzen badira, kapital sozialera egindako nahitaezko ekarpena (100 euro) baja eskatu ondorengo urteko Batzarretik hilabete igarotakoan itzuliko dela. Hau da, baja 2021eko otsailean eskatu baduzu, 2022ko Batzarraren ondorengo hilabetean itzuliko zaizu. Halere, nahitaezko ekarpena behar baino lehenago itzuli ohi dugu, gutxi gorabehera, 3 edo 4 hilabeteko epean. Eta, egoerak ahalbidetzen duen bitartean, hala egiten jarraituko dugu.

Kapital sozialera borondatezko ekarpenak egin badituzu

Bazkide gisa baja eskatzen duen pertsonari edo erakundeari kapital sozialera egin dituen borondatezko ekarpenak, egin baditu, ere itzuliko zaizkio, estatutuetan eta borondatezko ekarpenen onarpen-akordioan ezarritako betekizunen arabera.  Beraz, kapital sozialera borondatezko ekarpenak egin badituzu, bazkide gisa baja eskatzeaz gain, ekarpenak itzultzea eskatu beharko duzu. Bazkide diren pertsona eta erakundeek noiznahi atera ditzakete haien ekarpenak, formulario honen bidez eskaera eginez.

Generation kWh proiektuan sartuta bazaude

Era berean, pertsonak edo erakundeak bazkide gisa baja eskatzeak Generation kWh mailegua, izatekotan, aldez aurretik amortizatzea dakar, Generation kWh mailegu-kontratuaren baldintzetan ezarritako betekizunei jarraikiz. Hortaz, Generation kWh proiekturako ekarpenak egin badituzu, bazkide gisa baja eskatzeaz gain, Generation kWh maileguaren amortizazio aurreratua eskatu beharko duzu. Horretarako, bidali mezu bat generationkwh@somenergia.coop helbidera. Amortizatzeke dagoen zenbatekoa berreskuratzeko, bete formulario hau. Ekarpenak itzultzen dizkizutenean, zure baja tramitatuko dugu.

Hil den bazkide baten baja eskatzea

Bazkide bat hiltzen denean, bazkide-izaera beste pertsona bati transmititu diezaioke. Bestela, bazkidearen baja eta kapital sozialera egin duen nahitaezko ekarpena itzultzea eskatu dezakezu. Kasu bietan, bazkidea hil denetik 6 hilabete igaro baino lehen, mezu elektroniko bat bidali behar diguzu info@somenergia.coop helbidera, herentzia onartzeko eskrituraren kopia erantsita. Onuradun bat baino gehiago badago, onuradun guztiek sinatutako dokumentu bat aurkeztu beharko da, zeinaren bidez onuradunek bazkide-izaera, borondatezko ekarpenak eta Generation kWh mailegua (baldin badaude) onuradunetako bati esleitzea adosten baitute.

Behar baduzu, bazkide zarela egiaztatzen duen dokumentu bat prestatuko dizugu.

Bazkidea kontratu baten titularra bada, titularra aldatzeko formularioa bete beharko duzu. Eta, oharretan, aldaketa titularra hil delako egiten dela adierazi beharko  duzu, heriotza-ziurtagiria erantsita.