Tentsioa aldatzea (monofasikoa - trifasikoa)

Kontratu baten tentsioa aldatu (monofasikotik trifasikora pasatzea edo alderantziz) nahi izatekotan, Bulego Birtualaren bidez eskatu beharko duzu.

Gogoan izan, tentsioa aldatzeko, lehenik, elektrikari batengana jo behar duzula. Hark instalazioa aldatuko dizu eta buletin elektrikoa (eskaera aldatzeko beharrezko dokumentua) igorriko du.

Behin instalazioa aldatuta eta elektrikari homologatuak buletin elektrikoa igorrita, eskatu aldaketa Bulego Birtualaren bidez. Sartu bulegoan, joan “Kontratuak” atalera, eta hautatu "Tarifak aldatzea".

Agertuko den oharra irakurri ondoren, sakatu "Hurrengoa". Goitibeherako menuan, hautatu "Aldatu tentsioa".

Adierazi zer-nolako aldaketa egin nahi duzun (monofasikotik trifasikora pasa, edo alderantziz). Jarraian, erantsi buletin elektrikoa.  

Prozesu berari jarraituz potentzia eta tarifa (ordutegi-bereizketa) ere alda ditzakezu. Beste aukera horiek tentsioa aldatzeko aukeraren azpian aurkituko dituzu.

Tentsioa aldatzea, arauz, 10,94 euro kostatzen da, eta 5-20 egun baliodun inguru behar dira aldaketa gauzatzeko. Aukera aprobetxatuta, aldi berean tarifa edo potentzia ere aldatzen badituzu, kostua berbera izango da eta, ondorioz, ez duzu tramitea bi edo hiru aldiz ordaindu beharko. Aitzitik, potentzia igo nahi baduzu, gehitutako kW bakoitzaren prezioa ordaindu beharko duzu.

Oraindik ez bazara sartu zure Bulego Birtualean, jarraitu esteka honetan azaltzen diren urratsei: Lehen aldiz Bulego Birtualean sartzea.

Did this answer your question? Thanks for the feedback There was a problem submitting your feedback. Please try again later.

No encuentras lo que buscas? Contactar Contactar