Nola kontsultatu energia-erabileraren ordutegi-kurbak?

Zure kontratuei dagozkien energia-erabileraren ordutegi-kurbak Bulego Birtualeko Infoenergia atalean ikus eta deskarga ditzakezu.

Kontratu bat baino gehiago baduzu, lehenik, hautatu kontsultatu nahi duzun kontratua.

Atal horretan, epe ezberdinetako ordutegi-kurbak kontsultatu ahalko dituzu: eguneko, asteko, hileko edo urteko energia-erabilera. Era berean, kontsultatzen ari zaren epeko datuak CSV formatuko fitxategi batean deskargatu ahalko dituzu.

Kurben erabilgarritasuna

Energia-erabileraren ordutegi-erregistroak erabilgarri egongo dira 15 kW-tik beherako potentzia kontratatuta, kontagailu digitala eta telekudeaketa aktibatuta dituzten kontratuetan, eta 50 kW-tik gorako potentzia kontratatuta duten 3.0 tarifako kontratuetan.

Bestetik, 15,1 kW eta 50 kW (barne) bitarteko potentzia kontratatuta duten kontratuetan, ohikoena da kurbak erabilgarri ez egotea, hornidura-puntu horietan erabiltzen diren kontagailuetan ez baita derrigorrezkoa telekudeaketa edota energiaren ordutegi-erregistroa txertatzea.

Elektrizitate-autoprodukzioari buruzko 244/2019 Errege Dekretuak aurreikusten du kontagailu guztiek kurbak erabilgarri izan behar dituztela, autoprodukzio-instalazio bat izanez gero, konpentsazio sinplifikaturako eskubidea baitute. Laster kontratu-mota guztien ordutegi-kurbak bistaratu ahal izatea espero dugu.

Erregistro horiei ahalik eta onura handiena ateratzeko, Kooperatibak Infoenergia zerbitzua doan eskaintzen du. Zerbitzu horrekin, erregistroen datuak (baldin eta erabilgarri badaude) prozesatu eta, ondoren, ekintza pertsonalizatuak identifikatzen ditugu, kontratua optimizatzeko eta energia-efizientzia hobetzeko proposamenak iradokitzeko helburuarekin.

Did this answer your question? Thanks for the feedback There was a problem submitting your feedback. Please try again later.

No encuentras lo que buscas? Contactar Contactar