Zer egin behar dut nire kontratua autoprodukzio-modalitate batera aldatzeko?

[També en: català] [También en: castellano] [Tamén en galego]

Jarraian esango dizugu zer egin behar duzun etxean edo pisu-blokean behar bezala instalatutako autoprodukzio-sistema bat (100 kW baino gutxiagokoa eta behe-tentsioan) baduzu eta autoprodukzio-modalitate batera aldatu nahi baduzu, fakturan aplikatu dadin.

Konpentsazio sinplifikatua duen banakako autoprodukzio modalitatera aldatzea:

1. Autokontsumoa erkidegoan erregistratzea

Autonomia erkidego bakoitzean ezarritako kanalen bidez, eskatutako dokumentazioa aurkeztu behar da. Dokumentazioa eskualdearen eta aukeratzen duzun autoprodukzio-modalitatearen araberakoa izango da. Hala, gomendagarriena da instalazioa egin dizun enpresari kontsultatzea tramite horiek egiteko.

Behin instalazioa erregistratuta, erkidegoko erakunde eskuduna arduratuko da, gehienez hamar egunen buruan, enpresa banatzaileari aldaketa jakinarazteaz, eta enpresa banatzaileak, beste hamar egunen buruan, kontratua egin dizun merkaturatzaileari, kasu honetan, Som Energiari, jakinaraziko dio.

2. Autoprodukzioaren gainean erregistratutako datuak egiaztatzea

Som Energian banatzailearen jakinarazpena jasotzen dugunean, zurekin harremanetan jarriko gara posta elektronikoz jaso ditugun datuak zuzenak direla egiaztatzeko. Gure mezua jasotzen duzunean, sar zaitez Bulego Birtualean, "Kontratuak" atalean eta hautatu "Nire autokontsumo-tramiteak":

Orduan horrelako pantaila bat agertuko zaizu:

Datuak zuzenak badira, markatu "Bai, onartu tramitea" aukera.

Datuak okerrak badira, markatu "Ez, ukatu tramitea" aukera eta jo zure autonomia-erkidegoko erakunde eskudunera datuak zuzendu ditzan. Horrela, banatzaileak informazioa zuzenduta bidaliko digu.

3. Sarbide-kontratuaren aldaketa eskatzea

Datuak zuzenak direla egiaztatu baduzu, "Tramitea onartzea edo ukatzea" pantaila agertuko zaizu, zure kontratua hautatutako autoprodukzio-modalitatera aldatzea onartzeko edo baztertzeko:

Hor berretsi ahalko duzu kontratua hautatutako autoprodukzio-modalitatera aldatu nahi duzula. Halaber, hainbat dokumentu aurkeztu beharko dituzu:

  • Katalunian erregistratutako instalazio bat baldin bada, dokumentu hauek erantsi behar dituzu: Sorkuntza-instalazio elektrikoaren (CIE) ziurtagiria, eta Kataluniako Segurtasun industrialeko instalazio teknikoen erregistroan erregistratuta dagoela egiaztatzeko dokumentua (RITSIC). Autokontsumo-erregistroko dokumentua (RAC) ere baliagarria da guretzat. Normalean, enpresa instalatzaileak ematen du dokumentazio hori.
  • E-Distribución banatzailea duten beste eskualdeetan: Sorkuntza-instalazio elektrikoaren ziurtagiria eta autonomia-erkidegoko erakunde eskudunari aurkeztu izanaren agiria.
  • Kataluniatik kanpoko beste banatzaile bat duten instalazioek ez dute ezein dokumentaziorik aurkeztu behar.

Eskaera jasotzean, Kooperatibak enpresa banatzaileari sarbide-kontratua aldatzeko eskatuko dio. Eta, handik egun gutxira, baldintza berezi berrien behin-behineko dokumentu bat bidaliko dizugu. Banatzaileak zure eskaera ontzat hartzen duenean, autoprodukzio-modalitatea aktibatuko dizu eta, orduan, baldintza berezi berriak bidaliko dizkizugu erregistratutako autoprodukzio-modalitatearekin eta hori zure hileko fakturazioan aplikatzen hasiko gara. Banatzaileak, gehienez ere, hamar egun ditu hori egiteko.

Kontratu-aldaketa horren kostu arautua hau da: 9,04 euro + BEZa. Kontratatutako potentzia aldatzeko asmoa baduzu, aukera hori aprobetxa dezakezu aldaketa egiteko; horrela, behin bakarrik ordaindu beharko duzu kontratua aldatzeko tramitearen kostua.

Autoprodukzio-modalitatea aktibatzeko tramitea egiten ari bazara eta, bien bitartean, Som Energiarekin kontratatzen baduzu, garrantzitsua da guri ohartaraztea autoprodukzioa tramitatzen ari zarela. Horrela, banatzaileari eskatu ahalko diogu guri bidaltzeko agian aurreko merkaturatzaileari jada bidali dion informazioa.

Kontratua autoprodukzio kolektiboko modalitatera aldatzea:

E-Distribución banatzailea duten instalazio kolektiboetan, autokontsumo-modalitatera aldatzeko kontratu-aldaketa eskatu baino lehen, banatzaileari Instalazio elektrikoaren ikuskapena (IIE) egiteko eskatu behar zaio. Horretarako, mezu bat bidal dezakezu inspeccionautoconsumo@enel.comhelbidera.

Ikuskapena egin ostean, kontratua autoprodukzio kolektiboko modalitate batera aldatzeko, banakako autoprodukziora aldatzeko pauso berberak (goiko ataleko 1, 2 eta 3 puntuak) eman behar dira. Horrez gain, dokumentazioa eranstean, Soberakinak banatzeko akordioa ere erantsi beharko duzu.

Soberakinak banatzeko akordio bat egitea autoprodukzio kolektiboaren eskakizunetako bat da. Sortutako energiatik autoprodukzio kolektiboan parte hartzen duen energia erabiltzeko puntu bakoitzari dagokion portzentajea ezartzen du.

Esteka interesgarriak

No encuentras lo que buscas? Contactar Contactar