Erraztu zure kontadorearen irakurketa

Bulego Birtualak kontagailuko irakurketa erregistratzeko aukera ematen du. Aukera hori irakurketa zehatzak aldizka helarazten ez dizkiguten titularrentzat bereziki sortu dugu. Zure kontagailua ondo badabil eta irakurketa zehatzak aldizka helarazten badizkiguzu, aukera hori desgaituta izango duzu fakturazio-akatsak saihesteko.

Era berean, irakurketa baten edo fakturazioaren inguruko gorabehera baten berri eman nahi badiguzu, bidali mezu elektroniko bat factura@somenergia.coop helbidera. Kasu horretan, egoera pertsonalki aztertu eta zurekin harremanetan jarriko gara.

Kontagailuko irakurketa zuzenean Som Energiari helarazteko, sartu Bulego Birtualean.

Irakurketa horrekin, hilean kontsumitu duzun elektrizitatea kalkulatuko dugu, enpresa banatzaileak irakurketarik helarazi ez badigu.

Bulego birtualean eman beharreko urratsak:

1. Joan "Kontratuak" ataleko goitibeherako menura edo alboko goitibeherako menura eta sartu "Ikusi eta eman nire irakurketa" aukeran:

2. Hasi saioa (idatzi IFZ/IFK eta pasahitza) eta aukeratu kontratu bat (bat baino gehiago badituzu) kontagailuko irakurketa berria erregistratzeko.

3. Pantailan kontagailuko azken irakurketak agertuko dira. Behean, idatzi data eta kontagailuko irakurketa (ez erabili dezimalik eta ez gehitu zerorik aurretik). Azkenik, sakatu "Bidali autoirakurketa" botoia.

Horrez gain, gomendatzen dizugu kontagailuko irakurketa zure eskualdeko enpresa banatzaileari zuzenean helaraztea, haren webgunearen bidez.

 

No encuentras lo que buscas? Contactar Contactar