Zer egin behar dut Som Energia nire ordezkaria izan dadin?

Merkatu elektrikoan energia saltzeko energia berriztagarria ekoizten duen instalazio bat baduzu eta Som Energia zure ordezkaria izan dadin nahi baduzu, bidali mezu bat webguneko formularioaren bitartez edo representa@somenergia.coop helbidera, eta egin urrats hauek:

1. Eskaintza-eskaera: zure instalazioaren ezaugarrien (kokapena, teknologia, potentzia, eta abar) gaineko informazioa eskatuko dizugu eta eskaintza bat egingo dizugu.
2. Ordezkaritza-kontratua: eskaintza onartzen baduzu, kontratu bat prestatuko dugu, sinadura digital segurua duen web-plataforma baten bidez sinatu dezazun.
3. Notario-ahalordeak: ordezkaria aldatzeko REEri eta OMIEri notario-ahalorde berriak aurkeztu behar zaizkie, helaraziko dizugun ereduari zehatz-mehatz jarraituz. Horrela, ezingo dituzte tramiteak baztertu.
4. REE, OMIE eta MLBNren aurreko tramiteak: bi alderdiek sinadura digital bidez sinatutako kontratua eta notario-ahalordeak jasotzen ditugunean, tramiteak abiatuko ditugu REE, OMIE eta MLBNrekin. Eskuarki, tramiteak egiteko hilabete bat behar dugu. Prozesu osoan zehar informatuko zaitugu, ordezkari-aldaketa burutzen den arte.