Potentzia-gehiegikerien kostua 50 kW-tik gorako tarifetan eta zerbitzu osagarrietan

Zein hornidura-punturi eragiten die?

Ordu-laurdeneko jarraipena egiteko neurketa-ekipo bat ( 1, 2 eta 3 motatako kontagailuak edo neurketa-puntuak) duten hornidura-puntuetan, potentzia-gehiegikerien fakturazioa hilero egiten da ordu-laurdeneko soberakinen arabera. Hau da, ordu-laurdenero neurtzen da kontratatutako potentzia gainditu den ala ez.

Mota horretako kontagailuak 50 kW-tik gorako kontratatutako potentzia duten tarifekin erabili ohi dira, nola 3.0TD tarifak (ordutegi-tarteen tarifaedo tarifa indexatua) hala goi-tentsioko tarifa bat: 6.1TD, 6.2TD, 6.3TD edo 6.4TD (ordutegi-tarteen tarifaedo tarifa indexatua).

Ohikoa ez den arren, badaude 15 kW-tik beherako potentzia kontratatuta duten hornidura-puntuak, eta horiei 3 motako kontagailua duten 2.0TD tarifetako bat dagokie. Hala gertatzen da, adibidez, ekoizpen-instalazio fotovoltaikoetako zerbitzu osagarrietan, non 2.0TD tarifa izan arren, 3 motako neurketa-puntua baitago. Horiei ere potentzia-gehiegikerien ondoriozko zigorrak ezarriko zaizkie.

Nolakoak dira ordu-laurdeneko potentzia-gehiegikerien ondoriozko zigorrak?

Esan bezala, aipatutako hornidura-puntuetan, kontratatutako potentzia gainditu duten 15 minutuko denboraldi guztiak erregistratzen dira. Ordu-laurden batean kontratatutako potentzia gainditu bada (behin edo gehiagotan), zigor bakarra fakturatuko da. Ordu-laurden batean ez bada gainditu, ez da fakturatuko.

Kontratatutako potentzia gainditu bada, zigorra ezartzeko kontuan hartuko da fakturazio-aldian zehar (hilabete inguru) kontratatutako potentzia zenbat aldiz gainditu den eta ez zein den erregistratutako maximoa. 

Kontratatutako potentzia 15 minutuko denboraldi gehiagotan gainditzen baduzu, gehiegikeriengatik gehiago ordaindu beharko duzu ere. Era berean, zigorra handiagoa izango da potentzia handiagoa erabiltzen baduzu.

Potentzia-gehiegikerien kostua desberdina da tarifako denboraldi bakoitzean (P1, P2 eta P3 2.0TD tarifan, eta P1etik P6ra gainerako tarifetan) eta formula honekin kalkulatzen da:

Non:

Pdj: Pcp gainditu duen p denboraldiko j ordu-laurden bakoitzean eskatutako potentzia.

Pcp: p denboraldian kontratatutako potentzia.

Ordutegi-tarte bakoitzeko balioak kalkulatu eta potentzia-gehiegikeriaren termino izeneko prezio-balio batez biderkatzen dira.

Denboraldi bakoitzeko balio horiek kalkulatu ondoren, batu egiten dira, ondoriozko balioa lortzeko.Hala, denboraldi bakoitzean erregistratutako potentzia-gehiegikerien (FPD) fakturazioa kalkulatzeko formula osoa hau da:

Non:

FPD =potentzia-gehiegikerien fakturazioa  

tep = dagozkion bidesari eta ordutegi-tarteko potentzia-gehiegikeriaren terminoa, euro/kW-tan adierazita.

Prezio horiek tarifa-motaren arabera definitzen dira, eta honako balio hauek dituzte:

i : dagokion bidesariaren potentzia-fakturazioaren terminoa osatzen duten ordutegi-tarteen kopurua.

Potentzia horiek kW-tan adierazten dira. 

Energia erreaktiboagatik ezarritako zigorra

Kontuan hartu behar dugu potentzia-gehiegikeriaren ondoriozko zigorra ez dela fakturan ager daitekeen zigor bakarra.

Estekan azaltzen dugun bezala, batzuetan, instalazioaren ezaugarrien arabera, energia erreaktiboaren ondoriozko zigorrak ere ager daitezke.

Lotutako estekak

•       BOE-A-2021-4565