Zer ondorio ditu kontratua urtero automatikoki berritzeak? Iraupen-konpromisorik al dut?

[També en: català] [También en: castellano] [Tamén en galego]

Kooperatibaren fakturetan, kontratu-datuetan, "Automatikoki berritzeko data" ikusiko duzu. Kontratua beste konpainia merkaturatzaile batekin baduzu, fakturetan "kontratua urtero berrituko da delako egunean" edo antzeko esaldi bat aurkituko duzu.

Elektrizitate-kontratu guztiak automatikoki berritzen dira, baina horrek ez du esan nahi nahitaez iraupen-konpromiso bat duzunik.

Kontratua beste konpainia merkaturatzaile batekin baduzu eta aldatu nahi baduzu, baina ez badakizu oraingo konpainiarekin iraupen-konpromiso bat ote duzun, berrikusi zure elektrizitate-kontratuaren baldintzak edo, zuzenean, galdetu oraingo konpainiari.

Legez, iraupen-konpromisoa ezartzeko klausula bat sar daiteke elektrizitate-kontratuetan, elektrizitate-kontratua adostutako epea amaitu baino lehen ezeztatzen denean zigor bat ezarri ahal izateko. 

Klausula horren ondorioz, zigor ekonomiko bat jaso dezakezu adostutako epea amaitu baino lehen konpainiaz aldatzen baduzu. Zigor horrek ezingo du gainditu, estimazioen arabera, iraupen-konpromisoa amaitu arte erabiliko duzun energiaren prezioaren % 5a.

Konpainia merkaturatzaileak klausula hori kontratua formalizatzeko unean, kontratua berritzean edo kontratuzko aldaketa bat egiten duzunean aplika dezake.

Gogoan izan, araudiaren arabera, elektrizitate-kontratua onartzen duzunetik 14 egun dituzula kontratuari alde bakarretik uko egiteko.

Konpainiaz aldatu nahi baduzu, egiaztatu ez duzula mantentze-zerbitzurik, horiek ez baitira automatikoki bajan ematen konpainiaz aldatzeko tramiteak egiten dituzunean. Hala bada, jar zaitez harremanetan zuzenean zure oraingo konpainiarekin zerbitzuaren baja tramitatzeko.

Jakina, Som Energiara etorri nahi baduzu eta iraupen-konpromiso bat baduzu, aldaketa arazorik gabe egin dezakezu zigorra ordainduta.

Did this answer your question? Thanks for the feedback There was a problem submitting your feedback. Please try again later.

No encuentras lo que buscas? Contactar Contactar