Gezurrak eta iruzurrak merkatu elektrikoan

Merkatu elektrikoan dagoen konpetentzia handia dela eta, enpresa batzuek (bai handiek baita txikiek ere) merkataritza-estrategia erasotzaileen alde apustua egitea erabaki dute, askotan etikaren eta legearen mugak gaindituz. Izan ere, Merkatuen eta Lehiaren Batzorde Nazionalak (MLBN) enpresa elektriko batzuk zigortu ditu enpresa aldaketak egiteagatik, erabiltzailearen baimen esplizitua izan gabe.

Azken urteotan zenbait pertsonak jarduera hauen berri eman digute. Besteak beste, honako hauek izaten dira: saltzaileen atez-ateko bisitak edo telefono deiak

Saltzaile hauen itxura serioa eta formala izaten da, beraien hitzaldia erakargarria da, deskontu handiak eskaintzen dituzte; eta gure fakturak nahiz kontadorea errebisatzeko  eskatuz euren burua aurkez dezakete. Erabiltzen dituzten estrategiak kontaezinak dira. Beraien helburua informazio garrantzitsua lortzea da, adibidez: gure banketxearen datuak edo CUPS-a (hornidura puntu bakoitza identifikatzen duen kodea). Modu horretan konpainia aldaketak iruzurrezko eran tramita ditzakete, erabiltzailearen baimenik gabe.

Kasu batzuetan hainbat pertsonak esan digute saltzaile batzuek telefonoz deitu dietela edota bisitak egin dizkietela esanez Som Energiaren langileak zirela.

Aholkuak eta gomendioak

Egoera honen aurrean, kooperatibak hainbat neurri hartzea gomendatzen du:

  • Ez zaitez fidatu gure etxeko atean azal daitekeen edozein pertsonaz, batez ere, lehenago abisatu gabe edo behar bezala identifikatu gabe egiten badu.  Gure etxera sar daitekeen pertsona bakarra enpresa banatzailearen agentea da (eta bakarrik kontadorea etxe barnean izanez gero). Gainera, enpresa banatzaileak kontadorea errebisatu beharko balu, idatziz jakinaraziko luke edo erabiltzaileak egindako erreklamazio edo demanda bati erantzunez eginen luke.
  • Ez erakutsi inoiz fakturarik ezta datu pertsonalik ere. Kontadorean matxuraren bat egonez gero eta etxe barnean egonez gero, enpresa banatzailearen teknikoak ez dauka fakturak ikusteko ezta datu pertsonalak eskatzeko beharrik. Kontadorea etxetik kanpo egonez gero, ez du ezta erabiltzailearekin harremaneta jartzeko beharrik ere.
  • Ez egin aurrez aurreko ordainketarik. Enpresa banatzaileak edozein zordunketa egin beharko balu, Som Energiaren hurrengo fakturaren bitartez eginen luke.
  • Som Energian ez daukagu ez saltzailerik ezta etxez etxeko bisitak egiten dituzten pertsonarik ere Era berean, ez daukagu bazkideen eta erabiltzaileen tramiteak kudeatzen dituen enpresa subkontrataturik. Som Energiaren izenean zure etxean azal daitekeen edozein pertsona iruzurretan ari da.
  • Edozein zalantza edo susmoa izanez gero, informazio eman edo tramiteren bat egin baino lehenago, Som Energiarekin harremanetan jartzea gomendatzen dizugu, bai telefonoz edo korreo elektronikoaren bitartez.

No encuentras lo que buscas? Contactar Contactar