Funtsezko hornidurak

Hainbat hornidura-puntu, bereziki administrazio eta erakunde publikoen kontratuak, funtsezkotzat jo daitezke eta, ondorioz, babes berezia eman behar zaie hango hornidura elektrikoa etenezina izan dadin. 

Sektore Elektrikoari buruzko abenduaren 26ko 24/2013 Legearen 52. artikuluaren arabera, funtsezko horniduratzat hartuko dira honako irizpide hauetakoren bat betetzen dutenak:

1.    Herri-administrazioen kargurako argiteria publikoa.  Plaza, monumentu, iturri edo intereseko bestelako eraikin edo tokietako argi apaingarriak ez dira sartzen.

2.    Giza kontsumorako ur-hornidura, sarearen bitartez.

3.    Kuartelak eta nazio-defentsarekin, Segurtasun Indar eta Kidegoekin, suhiltzaileekin, babes zibilarekin eta udaltzaingoarekin zuzenean loturiko erakundeak, honako eraikin hauek izan ezik: etxebizitzak, ekonomatua eta langileen aisialdirako guneak.

4.    Espetxeak, baina ez, ordea, preso ez daudenentzako eranskinak; halaber, Epaitegi eta Auzitegietako egoitzak.

5.    Zerbitzu publikoko garraioak eta horien ekipamenduak, eta errepideko, itsasoko edo aireko trafikoaren segurtasunarekin zuzeneko lotura duten instalazioak.

6.    Osasun-zentroak, baldin eta operazio-gelak, sendaketa-gelak eta elektrizitatea behar duten eta gaixoei akoplatu behar zaizkien gailuak badituzte.

7.    Ospitaleak.

8.    Hileta-zerbitzuak.

Nola eman funtsezko hornidura baten berri?

Aipatutako erabileretako bat duen hornidura-puntu bateko elektrizitate-kontratuaren titularra bazara, idatzi comercializacion@somenergia.coop helbidera, eta guk banatzaileari jakinaraziko diogu.

Funtsezko hornidura izateak ez du esan nahi fakturazioa ordaindu behar ez denik.