Autoprodukzioa: zer da ordutegi-balantze garbia?
| [També en: català] | [También en: castellano] | [Tamén en galego] |
Ordutegi-balantze garbia orduz orduko saldo garbia da, bai erabilitako energiarena bai sarean injektatutako energiarena. Banatzaileak mekanismo hori aplikatzera behartuta daude fakturak igortzeko irakurketak helarazten dizkigutenean.
Apirilaren 5eko autokontsumoari buruzko 244/2019 Errege Dekretu berria argitaratu zenetik, instalazio fotovoltaiko guztiak aukeratutako autoprodukzio-modalitatearen araberako kontratu bat dute. Horiek horrela, banatzaileek, alde batetik, erabilitako sareko energiaren irakurketak eta, bestetik, sarean injektatutako kWh-en irakurketak jakinarazten dizkigute.
Bi adibide erabiliko ditugu ordutegi-balantzea zer den eta nola aplikatzen den azaltzeko. Kontuan hartu, aurreko araudiarekin, ordutegi-balantzea indarrean zegoela jadanik.
Hasteko, etxeko instalazio monofasiko bat aztertuko dugu. Instalazio trifasikoak antzekoak dira, baina azalpena luzeagoa da fase guztiak aztertu behar direlako.
1. adibidea
| |
Kontagailua | |||
|---|---|---|---|---|
| Ordua | Benetako energia-erabilera |
Ekoizpen fotovoltaikoa | Erabilitako sareko kWh | Injektatutako kWh |
| 13:00 - 13:15 | 0,5 kWh | 0,4 kWh | 0,1 kWh | 0 kWh |
| 13:15 - 13:30 | 0,5 kWh | 0,4 kWh | 0,1 kWh | 0 kWh |
| 13:30 - 13:45 | 0 kWh | 0,4 kWh | 0 kWh | 0,4 kWh |
| 13:45 - 14:00 | 0 kWh | 0,4 kWh | 0 kWh | 0,4 kWh |
| Orduko guztira: | 1 kWh | 1,6 kWh | 0,2 kWh | 0,8 kWh |
Kasu honetan, ordu osoa kontuan hartuta, sareko 0,2 kWh erabili ditugu eta sarean 0,8 kWh injektatu dira. Ordutegi-balantzea aplikatuta, sarean 0,6 kWh (0,8-0,2) bakarrik injektatu direla kalkulatuko dugu.
2. adibidea
| |
Kontagailua | |||
|---|---|---|---|---|
| Ordua | Benetako energia-erabilera | Ekoizpen fotovoltaikoa | Erabilitako sareko kWh | Injektatutako kWh |
| 09:00 - 09:15 | 0,4 kWh | 0,1 kWh | 0,3 kWh | 0 kWh |
| 09:15 - 09:30 | 0,4 kWh | 0,1 kWh | 0,3 kWh | 0 kWh |
| 09:30 - 09:45 | 0 kWh | 0,1 kWh | 0 kWh | 0,1 kWh |
| 09:45 - 10:00 | 0 kWh | 0,1 kWh | 0 kWh | 0,1 kWh |
| Orduko guztira: | 0,8 kWh | 0,4 kWh | 0,6 kWh | 0,2 kWh |
Kasu honetan, ordu osoa kontuan hartuta, sareko 0,6 kWh erabili ditugu eta sarean 0,2 kWh injektatu dira. Ordutegi-balantzea aplikatuta, sareko 0,4 kWh (0,6-0,2) bakarrik erabili ditugula kalkulatuko dugu.
***
Nola adibide batean hala bestean, banatzaileak helarazten dizkigun erabilitako sareko kWh-en irakurketak eta sarean injektatutako kWh-en irakurketak doitu egin behar dira, delako fakturazio-aldiaren arabera, orduz orduko balantze guztien batura kontuan hartzeko.
Kontuz! Ordutegi-balantze garbia eta soberakinen konpentsazio sinplifikatua ez dira gauza bera.
Lotutako estekak