Kontratua aldatzea

Som Energiarekin kontratu aktibo bat baduzu, eta aldatu nahi baduzu, Bulego Birtualean (Kontratuak atalean) eskatu beharko duzu aldaketa. Beheko esteketan horren gaineko informazioa aurkituko duzu. 

• Nola aldatu kontratatutako potentzia
• Nola eskatu tarifa-aldaketa bat ordutegi-tarteen tarifatik tarifa indexatura eta alderantziz?
• Nola aldatu tentsioa (monofasikotik trifasikora pasatzea eta alderantziz)
• Nola aldatu titularra

Oraindik ez baduzu kontraturik Som Energiarekin, jakinarazten dizugu, kontratazio-prozesuan zehar, titularra aldatzeko aukera dagoela. Bestelako aldaketak, egin nahi izatekotan, Kooperatibarekin kontratu aktibo bat duzunean egin ahalko dituzu.

Kontuan izan zenbait kontratu-aldaketa ezin direla aldi berean tramitatu. Hau da:

•   Tarifa-aldaketa bat (ordutegi-tarteen tarifatik tarifa indexatura edo alderantziz) tramitatzen ari bazara, ezin duzu kontratu-aldaketa bat (potentziaren, tentsioaren, autoprodukzio-modalitatearen aldaketa edo beste) bideratu. Tarifa-aldaketa gauzatu arte (arazorik ez badago, hurrengo faktura-dataren ondorengo egunetik aurrera), itxaron beharko duzu beste edozein aldaketa eskatzeko.
• Kontratu-aldaketa bat (potentziaren, tentsioaren, autoprodukzio-modalitatearen aldaketa edo beste) tramitatzen ari bazara eta tarifa aldatzea (ordutegi-tarteen tarifatik tarifa indexatura edo alderantziz) erabakitzen baduzu, kontratu-aldaketa gauzatu arte (astebete eta hiru aste bitartean, tramitearen arabera) itxaron beharko duzu tarifa-aldaketa eskatzeko.