3.0A tarifa

ADI!

Artikulu honetan azaltzen den informazioak indarra galduko du, MLBNaren zirkularraren (Merkatu eta Lehiakortasun Batzorde Nazionala) bidez BOEn argitaratutako elektrizitatearen garraio- eta banaketa-bidesarien sistema berria ezartzen denean. Garraio- eta banaketa-bidesarien sistema berriaren aplikazioa 2021eko ekainaren 1era arte atzeratu da.

Legeak xedatzen duenaren arabera, 3.0A tarifa da 15 kW-tik gorako potentzia kontratatuta duten behe-tentsioko hornidura-puntu guztietarako sarbide-tarifa: enpresa txikiak, ostalaritza-zerbitzuak, jatetxeak, hotelak, okindegiak, kafetegiak, eskolak, bulegoak, auzo-komunitateak, eta abar.

3.0A tarifaren ezaugarriak (Legez zehaztuta):

  • 3.0A tarifak hiru denboralditan fakturatzen du: P1 (Puntakoa), P2 (Arrunta) eta P3 (Sakonunekoa). Denboraldi bakoitza eguneko ordu-tarte bati dagokio, non energiaren eta potentziaren prezioa desberdinak baitira: 3.0A tarifako denboraldien ordutegiak

  • Kontratatutako hiru potentziak: Potentzia desberdin bat kontrata daiteke denboraldi bakoitzerako. Ez dago balio normalizaturik; betekizun bakarra da hiru potentzietako bat 15 kW-tik gorakoa izatea.*

  • Kontratatutako potentzia gainditzeko aukera: Hornidura ez da inola ere etengo kontratatutakoa baino potentzia handiagoa erabiltzeagatik.

  • Potentziaren fakturazioa: Maximetroak kontratatutako potentziatik gorako balioak erregistratzen baditu, errekargu bat aplikatuko da. Era berean, maximetroak kontratatutako potentziatik beherako balioak erregistratzen baditu, deskontua egingo da potentzia fakturatzean: potentziaren kostua 3.0A tarifan

  • Erabilitako potentziaren erregistroa: Maximetroak 15 minutuko denboralditan erabilitako gehieneko potentzia erregistratzen du (ordu-laurdeneko erregistroak), gutxi gorabehera, 30 egunez. Horri esker, 12 hileko erregistro bat dugunean, urte horretan zehar kontratatu beharko genukeen potentzia kalkula dezakegu: erakunde eta enpresentzako Infoenergia zerbitzua

  • Kontratu-aldaketa bat 12 hilero: Elektrizitatea banatzen duen enpresak uko egin diezaioke kontratatutako potentzia 12 hilean behin baino gehiagotan aldatzeari. Horregatik, arretaz jokatu eta hori kontuan hartu behar dugu kontratatuko dugun potentzia aukeratzeko unean.

  • Energia erreaktiboaren erregistroa eta fakturazioa: Instalazio elektrikoetan energia erreaktiboa agertzen da funtzionatzeko eremu magnetiko eta elektrikoak sortu behar dituzten gailuak erabiltzen direnean. Energia erreaktiboak banaketa oztopatzen du; horregatik sortu ziren energia erreaktiboaren gehiegizko kontsumoa zigortzeko errekarguak.

* Elektrizitatea banatzen duten tokiko hainbat enpresa txikik ez dute onartzen kontratatutako potentziak 15 kW-tik beherako bi denboraldi izatea.

No encuentras lo que buscas? Contactar Contactar